Heiti ferðar:

Sandfell í Grafningi

Dagsetning:
06. maí 2015
Vegalengd (áætl.):
7 kílómetrar
Tími (áætl.)
4 klukkustundir
Stefnumótsstaður:

Bílastæðið við Olís í Norðlingaholti (að austanverðu) kl. 18:30 stundvíslega

Búnaður:
Nesti, góður skóbúnaður og skjólfatnaður.
Lýsing:

Ekið er sem leið liggur eftir Nesjavallaveginum austur í Grafning og þaðan áfram austur að Hagavík. Við austanverða víkina er land lagt undir fætur.

Sandfell (409 m.y.s) rís upp af Hagavík við sunnan vert Þingvallavatn. Eins og nafnið gefur til kynna er uppistaðan í því sandur og annað lauslegt steinkyns. Gengið er upp úr Hagavík upp á Líktjarnarháls sem kendur er við Líktjörn sem ku nú vera fyrir löngu komin undir urð og grjót úr Sandfelli og sneitt upp á fjallshrygginn. Eftir honum er ekki svo ýkja brött ganga upp á topp.
Gengið er niður af fjallinu til suð-vesturs fyrir ofan Löngugróf og að Þverá sem öðlast nafnbreytingu á þessum slóðum og kallast Ölfusvatnsá. Rennur hún þarna í fallegum gljúfrum sem kallast Ölfusvatnsgljúfur.
Eftir að hafa gengið spottakorn niður með gljúfrunum er haldið til baka um grasi grónar grundir, móa og mela, stokka og steina þangað sem gangan hófst.
Þetta er fjallganga með þónokkru labbi. Raunhækkun upp á Sandfell er um 260 metrar.

Kort:
Heimildir:

www.ja.is/kort
http://atlas.lmi.is/ornefnasja/